مع قيود… طاقتك بلا قيود.
من جنين، ومن 2010: أنظمة طاقة شمسية وبطاريات وضخ مياه، للبيوت والمزارع والبلديات.
احسب نظامك من فاتورتكقيد الفاتورة
كل شهر نفس القصة؟ حرّك الشريط على قد فاتورتك، وشوف شو بدك عشان تتحرر منها.
بيناسبك تقريباً نظام
4.34 kW
- 7 ألواح
- انفيرتر 5 kW
- بطارية وحدة PROMAX 16 kWh
- سطح حوالي 20 م²
تقدير مبدئي على أساس 0.6 ₪ للكيلوواط ساعة، وإنتاج 1650 kWh لكل kWp بالسنة بجنين. العرض النهائي بعد زيارة الموقع.
قيد العتمة
الكهربا قطعت؟ بيتك ما بيعرف.
بطارية PROMAX بتخزّن 16 kWh، بتفرّغ لحد 90%، وبتعيش أكثر من 8000 دورة شحن.
إحنا الوكيل الحصري لبطاريات PROMAX POWER، وبنركّبها مع انفيرترات هجينة. الكل بخلّص دوامه… إلا PROMAX، بتضل مكملة معك.
شو جوّا البطارية اللي بتضوّي بيتك؟
إحنا الوكيل الحصري لـ PROMAX POWER. افتحها، واكبس على أي قطعة لتعرف شو بتعمل.
اكبس على أي قطعة بالرسمة أو بالقائمة.
كيميا LiFePO4 أثبت بالحرارة وأطول عمراً. الخلايا موصولة على 51.2 فولت بسعة 314 أمبير ساعة، يعني حوالي 16 kWh.
عقل البطارية: بيراقب كل خلية، بيوازن الشحن بينهم، وبيفصل إذا صار حرارة أو تيار زيادة.
بيفصل البطارية بكبسة وقت الصيانة أو العطل.
مخارج القدرة بتنربط بالانفيرتر، ومنافذ الاتصال بتخلي البطارية والانفيرتر يتفاهموا على الشحن والتفريغ.
الشاشة بتبيّن نسبة الشحن وحالة البطارية، والغلاف بيحمي كل اللي جوّا.
البطارية بتمشي على عجلات، فالتركيب والنقل أسهل.
- السعة
- 16 kWh
- عمق التفريغ
- 90%
- دورات الشحن
- +8000
- الكفالة
- 10 سنين
قيد الديزل
البير بدو يشتغل، والديزل بدو مصاري. الشمس ما بتبعت فاتورة.
410 مزارعين
بمحافظة جنين ورّدنا وركّبنا وشغّلنا 9 أنظمة طاقة شمسية لآبار زراعية، بقدرة إجمالية 180 kW. كلفة ضخ المي نزلت، والزراعة ما بتوقف. المشروع ضمن برنامج «نحو زراعة خضراء في فلسطين» بتمويل الوكالة الإسبانية للتعاون الدولي من أجل التنمية (AECID).
65 kWp
لبئر مي بمنطقة جنين ما كانت واصلته الكهربا. صار يضخ بالشمس بدل الديزل.
50 kW
عريشة شمسية فوق بئر مزرعة، على ذوق صاحبها: ألواح JinKO ثنائية الوجه، انفيرتر SOFAR، ونظام Zero Export بيضبط الإنتاج على قد الحاجة.
قيد العشوائية
التفاصيل بتفرق… والفرق بيبان بالشغل.
إحنا ما بنركّب وبس. بننفّذ نظام محسوب صح من البداية للنهاية، لأن الطاقة الشمسية مش ألواح وانفيرتر وبطارية. هي منظومة كاملة، وكل تفصيلة فيها بتفرق.
هيك بتشتغل المنظومة
نهار: الألواح بتغذّي البيت، والزيادة بتشحن البطارية.
شو جوّا لوحة الكهربا
هون بيبان إذا الشغل محسوب صح. اكبس على أي قطعة.
اكبس على أي قطعة بالرسمة أو بالقائمة.
القطع البرتقالية بتصرّف أي ارتفاع مفاجئ بالجهد قبل ما يوصل للانفيرتر.
كل خط ألواح إله فيوز، فإذا صار عطل بخط ما بيأثر على الباقي.
بتحمي البيت والانفيرتر من ارتفاعات الجهد اللي بتيجي من الشبكة.
بتفصل أوتوماتيكياً وقت الحمل الزايد أو العطل، وبتنفصل يدوياً وقت الصيانة. من ماركات معروفة، مش أرخص الموجود.
مفتاح كهربائي بيوصل ويفصل الأحمال أوتوماتيكياً حسب الحاجة.
بار نحاسي وكابل أخضر وأصفر للمنظومة كلها، عشان سلامة البيت واللي فيه.
الأحمر والأسود للـ DC، والبني والأزرق للـ AC، وكل سلك بمساره ومربوط. الفحص والصيانة بصيروا أسهل.
وبعد التركيب؟ صيانة ودعم فني، وتلفونّا ما بيسكّر.
قيد التقليد
قبل ما تركّب، اعرف شو بتركّب.
ألواح
- Aiko
- JinKO
- Canadian Solar
- Trina Solar
- LONGi
انفيرترات
- Deye
- Growatt
- SOFAR
- MUST
بطاريات
- PROMAX
إحنا الوكيل الحصري.
منتجات أصلية من المصدر، وفريقنا زار المصانع بالصين بنفسه.
شو جوّا اللوح الشمسي
هاي طبقاته وحدة وحدة. اكبس على أي طبقة لتعرف شو بتعمل.
اكبس على أي طبقة بالرسمة أو بالقائمة.
بيحمي الخلايا من البرد والغبار والطقس، وبيخلي الضو يعدّي.
هون بيتحوّل ضو الشمس لكهربا. الألواح الحديثة بتستخدم خلايا N-type بكفاءة أعلى.
بالألواح ثنائية الوجه الظهر زجاج كمان، فبيلقط الضو المنعكس من الأرض وبيزيد الإنتاج.
بيشد طبقات اللوح على بعض، وبيثبّته على الهيكل.
فيها ديودات الحماية، وطالع منها الكوابل اللي بتربط اللوح بباقي الألواح.
قيد الحدود
من بيت في يعبد… لـ9 آبار بتسقي 410 مزارعين.
- 180kW9 آبار زراعية، محافظة جنينلـ410 مزارعين، بتمويل AECID
- 100kWموقع تجاري بالجامعة العربية الأمريكيةألواح JinKO وانفيرتر Deye 80 kW
- 70kWمحطة إنتاج طاقة شمسيةانفيرتر 50 kW
- 65kWpبئر مي ما كانت واصلته الكهربامنطقة جنين، ضخ بالشمس بدل الديزل
- 55kWمشروع الريادين، دير أبو ضعيفألواح JinKO 710 واط
- 50kWعريشة فوق بئر مزرعةنظام Zero Export
- 30kWكفرقودمحافظة جنين
- 20kWمبنى بلدية باقة الشرقيةمع تخزين 48 kWh، بتمويل الاتحاد الأوروبي
- 10kWبيت في يعبد
بعض من أعمالنا
مع قيود… طاقتك بأمان.
اتصل، أو ابعت واتساب، أو تعال زورنا.
nedalsabri@outlook.com
صفحتنا على فيسبوك
الدوام
من 8 الصبح لـ5 المسا
كل أيام الأسبوع ما عدا الجمعة